[185v] In nomine Dei eterni, amen. Anno Domini nostri Iesu Christi a nativitate millesimo CC LXVIII°, indictione XIa, die XIIIa mensis Decembris, Apostolica Sede et Imperio Romano vacantibus (…)
   Die primo exeunte mense Decembre. Infrascripti homines de Mogiona, fideles Camaldulensis heremi, iuraverunt fidelitatem venerabili patri domino Iohanni priori heremi Camaldulensis et eiusdem generalis [28] Ordinis sub hac forma.
   Imprimis quod ab hac ora in antea, in perpetuum pro se et eorum heredibus stipulantes, erunt, stabunt et permanebunt fideles et homines residentes domus Camaldulensis et venerabilis patris domni Iohannis prioris sancte heremi Camaldulensis et eius catholicorum successorum, quod iuxta eorum potentiam, toto ingenio totaque mente et omni sollicitudine salvabunt, defendent, manutenebunt et custodient personam, honorem, dignitatem dicti domini prioris et eius successorum et quod non erunt in dicto vel facto, consilio vel tractamento, secreto vel manifesto, quod dictus dominus prior Camaldulensis seu aliquis prelatus sui Ordinis vel subditus vel fidelis, religiosus vel secularis dicte domus vel Ordinis possit perdere personam, vitam, membrum, dignitatem aliquam, intellectum, mentem aut honorem, aut quod mala captione capiatur, et si aliquem sciverint volentem facere contra dictum dominum priorem vel predictos, ipsi pro eorum posse resisterent, et si resistere non possent, eidem quo citius poterunt manifestabunt per se vel eorum fidelem nuntium spiritualem.
   Item quod omnia iura dicte Camaldulensis heremi et membrorum suorum defendent et manutenebunt iuxta eorum potentiam in civitatibus, castris, burgis, villis, monasteriis, curtibus, poderibus et tenimentis ubicumque fuerint, et quod ea non conculcabunt alicui persone vel domino, ecclesiastico vel seculari.
   Item quod dicto domino priori cum requirentur ab eo, dabunt purum, sanum et fidele consilium, sine fraude et malitia, iuxta petitionem dicti domini prioris, prout melius negotia cognoverint et utilius expedire. Et quod secretum aliquod eis per dominum priorem predictum impositum alicui persone non manifestabunt, cuius occasione dictus dominus prior dampnificari posset.
   Item quod omnibus preceptis memorati domini prioris obedient humiliter et devote, et quod omnes collectas, exactiones, datia, quot et quanta fuerint eis imposita per predictum dominum priorem, solvent et pagabunt absque ulla diminutione, pro sue arbitrio voluntatis.
   Que omnia et singula supradicta capitula et que continentur, in sacramento fidelitatis plenarie et fideliter, sine fraude, dolo et malitia, remoto odio, amore, pretio, precibus, spirituali lucro et dampno, corporaliter ab eisdem tacto libro sanctorum Dei Evangeliorum, iuraveunt attendere et observare et non contravenire, ad bonum, sanum et purum intellectum domini prioris superius memorati.
 
   Testa [29]
   Mugiellese de Mucello
   Aldebrandus
   Forte
   Aiutus
   Albertinus
   Bonamicus quondam Iohannis
   Bonicus
   Bonaiutus
   Para filius Bonici
   Canti
   Albertinus Giunte Maconis
   Brunus Spilliati
   Guilielmus
   Bonafides
   Talentus
   Bonfiliolus
   Bentevollius
   Guido
   Iohannis
   Guido Gambarini
   Prosperosus
   Pandegranus [30]
   Guido Teste
   Jacomutius [.]ardon.
   Aççone
   Fantone
   Deteguardi
   Guido Moscolus
   Giunta Macone
   Manente
   Detaiuti Bonici
   Detaiuti Massaida
   Guilelmutius
   Bonicus
   Mafutius
   Manente Philippi


   Actum apud Camald(ula) et dictum castrum de Mogiona, presentibus donno Compagno maiore Fontis Boni [31], donno Romualdo, Iuncta cellerario [32] et aliis testibus ad hoc adhibitis, vocatis et rogatis.
   (…) [33] Ego Brunus notarius olim Meliorelli [34] omnibus et singulis predictis interfui et ut supra legitur redegi, scripsi et publicavi.